Ä¢¹½¶ÌÊÓƵ

Enillodd Hywel Griffiths y Gadair yn Eisteddfod yr Urdd, Sir Gaerfyrddin 2007. Pan safodd yn y pafiliwn, roedd ganddo wên ar ei wyneb. Rhes o ddannedd syth hefyd. Cafodd Hywel fresys pan oedd e yn ei arddegau. Ond sut brofiad oedd gorfod gwisgo'r fframiau metel am flynyddoedd? Aeth Mosgito i'w holi.

Mosgito: Pryd cefaist ti'r bresys dannedd? Fe ges i fresys wedi eu gosod pan o'n i'n 14 oed. Roedd fy nannedd blaen yn gwbwl gam, pob un yn wynebu ffordd wahanol, ac felly roedd angen gwneud dau beth - tynnu pum dant mawr iawn o gefn fy ngheg, a gosod bresys i sythu'r rhai oedd ar ôl. Roedd tynnu'r dannedd yn hwyl, gan fy mod dan anaesthetig, ac roeddwn i'n gallu clywed y gwreiddiau'n rhwygo o'r geg heb unrhyw boen.

Mosgito: Beth oedd dy farn di amdanyn nhw i ddechrau? Roeddwn i'n eu hoffi nhw i fod yn onest - er eu bod yn achosi cryn boen ar adegau, yn enwedig pan o'n i'n mynd nôl at yr orthodeintydd i'w tynhau, fe ges i fandiau lastig coch a gwyn ar bob yn ail ddant. Lliwiau Cymru (a Lerpwl)! Roedd bwyta ac edrych ar ôl y bresys yn dipyn o boendod weithiau.

Mosgito: Wyt ti'n falch dy fod ti wedi eu cael nhw? Ydw, yn falch iawn. Dw i ddim yn meddwl ei bod hi'n bwysig sut mae eich dannedd yn edrych - mae gan lawer o bobl broblemau llawer mwy difrifol i boeni yn eu cylch, ond gan fod fy neintydd wedi argymell hynny, mi wnes i gytuno i'w gwisgo. Yn y pen draw dw i'n credu bod e wedi bod yn werth ei wneud.

Mosgito: Beth yw dy gyngor di i bobl ifanc sy'n mynd i gael triniaeth ar eu dannedd? I beidio â bod ofn gwneud os ydyn nhw angen eu trin ac os yw eich deintydd yn argymell hynny, ond hefyd i beidio â theimlo bod rhaid eu gwneud nhw oherwydd ffasiwn neu ddisgwyliadau pobl eraill. Yr unig beth wn i yw y bu'r holl brofiad werth y drafferth i fi.

Cysylltiadau defnyddiol

Nid yw'r Ä¢¹½¶ÌÊÓƵ yn gyfrifol am gynnwys gwefannau allanol.