Ä¢¹½¶ÌÊÓƵ

Hen ac ifanc
Yn ogystal â 'hen lawiau fel Gwyn Thomas a'r to ifanc profiadol fel Eurig Salisbury mae'n neis gweld yn eu plith gywion newydd - hyd y gwn i - fel Cadi Elis a Rose Hedley.

Dyma rifyn 27 ac o'r hyn a welais i o'r rhai cynnar mae Tu Chwith gam ymlaen erbyn hyn ac yn cael ei gydnabod fel cylchgrawn sydd a mwy iddo na gosip selebs a straeon dros ben llestri.

Nid yw'n edrych fel cylchgrawn a rhwng y ddau glawr, ceir darnau gwyrthiol, godidog a gwerth chweil. Tair 'G' sy'n taro deuddeg ym mron pob un darn yn y gyfrol.

Mae'r canwr gyfansoddwr Mr Huw yn sôn amdano'i hun yn chwilio am ei hoff far o siocled yn 1990, a thorri ei galon.
"Ro'n i mewn penbleth. Doedden i ddim yn gallu prynu Marathon rhagor. Ro'n i'n gorfod prynu Snickers."

Lawr eu trwynau
Ond y pwt rwyf i wedi dotio fwyaf ato yw darn Barry Thomas ar dreulio penwythnos yn NhÅ· Newydd, Llanystumdwy, ar gwrs sgriptio.

Wna i ddim dyfynnu yn y fan hon oherwydd yr iaith goch a rhegfeydd ond fel un sydd yn nabod Barry mae'r darn yn cyfleu ei agwedd i'r dim wrth iddo sathru ar y snobs Cymraeg; "Crachach afiach, yn sbïo lawr 'u trwyna' pan ddudish i bo fi heb ddarllen dim byd gan Alan Llwyd. Pam fyswn i?"

Dw i jyst yn aros i'w weld e mewn tafarn eto'n fuan gyda'i gitâr yn canu caneuon budron.

Rhaid dweud imi fwynhau gwledda ar y tameidiau yn y gyfrol hon gan fwynhau rhai yn fwy na'i gilydd wrth gwrs ond rwy'n codi fy het i bawb sydd wedi cyfrannu a'i wneud yn rhifyn.
Ymlaen at y nesaf.