|  |
 |
 |
 |
|
|
|
|
 Cyfres Slawer Dydd - y ddau lyfr cyntaf
Rhyfel y Degwm gan Mair Wynn Hughes; Y Llo Gwyn gan Hilma Lloyd Edwards. Cyfres Slawer Dydd. Gwasg Gomer. £4.99 yr un.
Mae'n siwr o fod yn ffordd digon effeithiol o ddysgu hanes; creu straeon dychmygol wedi eu gwreiddio mewn cyfnodau hanesyddol perthnasol.
 Y syniad yw fod plant yn debycach o droi at y 'ffug' er mwyn deall y gwir nag at werslyfr cydnabyddedig.
"Nes na'r hanesydd . . ." R Williams Parry a 'ballu, wrth gwrs.
Ac os yw'r nofelydd a'r llenor yn nes at y gwir di-ball dylai'r gyfres newydd hon gan Wasg Gomer fod yn gryn llwyddiant.
I wthio'r cwch i'r dwr dewiswyd dwy awdures brofiadol a diddan sydd wedi hen ennill eu plwy, Mair Wynn Hughes o Bentraeth Ynys Môn a Hilma Lloyd Edwards o'r Bontnewydd ger Caernarfon sydd yn ffefrynnau'n barod ymhlith ein darllenwyr ifainc.
Bwriedir y nofelau ar gyfer plant rhwng wyth a deg oed ac yn ogystal â'r hyn a ddisgrifir gan Gomer fel "testun yn llawn antur a chyffro" mae lluniau "trawiadol a manwl" gan Graham Howells o Lanelli.
Dyffryn Clwyd yn ystod wythdegau y bedwaredd ganrif ar bymtheg yw cefndir Rhyfel y Degwm gyda digwyddiadau cythryblus y gwrthryfel gwerin hwnnw yn cael eu gweld drwy lygaid dau fachgen, Tomos a Wiliam, y mae eu tad yn un o'r protestwyr yn erbyn annhegwch degymu.
Mae golygfeydd yn ymwneud â milwyr a phlismyn a disgrifir ffermwyr yn cael eu pastynu at waed.
Yn y cefndir hefyd y mae aflwydd arall o'n hen hanes, y Welsh Not.
Mae cefndir yr ail nofel, Y Llo Gwyn yn dra gwahanol gan gychwyn gyda phriodas ym mhentref Celtaidd, Dinas Dinorwig, y mae ei olion i'w gweld o hyd rhwng Caernarfon a llethrau'r Wyddfa.
Cychwyn yr antur pan yw llo gwyn sanctaidd o eiddo'r llwyth yn diflannu gan beri i'r llwyth ymbaratoi i ymosod ar fryngaer arall gyfagos, Dinas Lleu, gan gredu i rywun oddi yno ei ddwyn.
Dwy nofel gyffrous ddigon o ddwylo profiadol sydd hefyd yn mynd i fod yn agoriad llygad gyda'r gymysgedd iawn o hanes a ffuglen.
Cliciwch i ddweud beth ydych chi'n feddwl
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar Ä¢¹½¶ÌÊÓƵ Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol